Suvdan qarzi yo‘q xonadonga 1,6 mln. so‘m qarz yozishdi

To‘rtko‘l tumani Temiryo‘l ko‘chasida yashovchi B.R. tumandagi iste'molchilar huquqlarini himoya qilish jamiyatiga norozilik arizasi bilan murojaat qildi. Bu haqda Federatsiya matbuot va axborot sektori KUN.UZ’ga xabar berdi.

Unga ko‘ra, iste'molchining xonadoniga asossiz ravishda 1 648 990 so‘m qarzdorlik haqida ogohlantirish xati yuborilganligi aytilgan.

To‘rtko‘l tumani iste'molchilar huquqlarini himoya qilish jamiyati tomonidan murojaat ko‘rib chiqildi. Xonadonning ichimlik suvi ta'minoti korxonasidan hech qanday qarzi yo‘q ekanligi aniqlanib, bu haqda iste'molchining xonadoniga jamiyat tomonidan murojaatga javob xati jo‘natildi.