OAV: Peterburgda o‘zbekistonlik shaxs hibsga olindi

Sankt-Peterburgda O‘zbekiston fuqarosi qo‘lga olindi, u terrorizm va ekstremistik tashkilotlarda ishtirok etishda ayblanmoqda, deb xabar tarqatdi Nation News.

Qayd etilishicha, huquq-tartibot idoralari xodimlari xalqaro qidiruvda bo‘lgan 28 yoshli O‘zbekiston fuqarosini hibsga olishgan. 

Qo‘lga olish jarayoni Vasilevskiy orolining 6-liniyasida yarim tunda amalga oshirildi. O‘zbekistonlik shaxs terrorizm, ekstremistik tashkilotlarda ishtirok etish, konstitutsiyaviy tuzumga tajovuz qilish, jamoat tartibiga tahdid soladigan materiallarni tarqatishda ayblanmoqda.

Ta'kidlanishicha, qidiruv tashabbusi bilan Qashqadaryo viloyati Ichki ishlar boshqarmasi chiqqan. Qo‘lga olingan shaxs hibsda, bu haqda O‘zbekiston tomoni xabar qilingan.