Braziliya terma jamoasi hujumchisi Neymar bosh murabbiy Tite uning yonini olgan vaziyatda, ko‘z yoshlarini tiyib turolmadi.
Yaponiyaga (3:1) qarshi o‘rtoqlik o‘yinidan keyingi matbuot anjumanida, 56 yoshli mutaxassis 25 yoshli hujumchi bilan ziddiyatga borganini inkor qildi.
«Odamlar Neymar bilan nizoga borganim haqida juda ko‘p gapirishdi, to‘g‘risi, bu jonga tegdi. Hech kim mukammal emas. Neymar juda mehribon yigit» - dedi Tite.
Yaponiyaga (3:1) qarshi o‘yinda Neymar penaltidan gol urdi, ammo yana bir penaltini amalga oshirolmagandi.
