Janubiy Koreyada sobiq mudofaa vaziri hibsga olindi

Janubiy Koreya sudi mamlakatning sobiq mudofaa vaziri Kim Kvan Chjinni jamoat fikrini o‘zgartirishga qaratilgan “yashirin kibertahdidlarga” aloqadorlik ayblovi bilan hibsga oldi. Bu haqda Yonhap axborot agentligi xabar bermoqda. 

“Seul markaziy okrug sudi 68 yoshli vazir qochib ketishi mumkinligidan xavotir qilib, uni hibsga olishga order berdi. Kim harbiy jinoyat kodeksiga siyosiy aralashuvda va mavqeini suiste'mol qilishda ayblanmoqda”, deb aytilgan xabarda.

Sud versiyasiga ko‘ra, vazir “kiberfaollik” orqali Janubiy Koreya fuqarolariga ta'sir qilib, ularni avvalgi konservativ hukumatni qo‘llab-quvvatlashga undashga uringan. Jumladan, mudofaa vazirligi zobitlarga internetda Janubiy Koreyani 2008 yildan 2013 yilgacha boshqargan sobiq prezident Li Men Bakni qo‘llab-quvvatlovchi izohlar qoldirish topshirig‘ini yuklagan. 

Sud, shuningdek, Kimning sobiq o‘rinbosari Lim Kvan-binni korrupsiya va Kimga qo‘yilayotgan ayblovlar bo‘yicha hibsga olgan. U “kiberjinoyatlarga aloqador bo‘lgan amaldorlardan biridan “otkat” olganlikda gumon qilinmoqda.