Elektr va gaz ta'minoti tizimini takomillashtirish, bozor mexanizmlarini keng joriy qilish orqali energiya resurslaridan oqilona foydalanishni ta'minlash yo‘llarini rivojlantirish ishlari ancha vaqtdan beri olib borilmoqda. Shu kabi ishga tushurilgan modernizatsiya asosida 8-noyabr 2017 yilda O‘zbekiston Respublikasi Prezidenti № PQ – 3379 raqamli qaror chiqardi:
Davlat organlari va tashkilotlari 2022 yil 1 yanvardan ularning balansida bo‘lgan bino va inshootlarda issiq suv ta'minoti uchun faqat sertifikatlangan quyosh energiyasida ishlaydigan suv isitgich qurilmalaridan foydalanishlari shart. Shu borada aytish boiski, Royal quyosh energiyasida ishlovchi suv isitgichlar ishlab chiqarilishining taqdimoti o‘z vaqtida bosilgan qadamdir.
2017 yil 13 noyabr kuni Royal savdo belgisi ostida quyosh energiyasida ishlovchi suv isitgichlari ishlab chiqarilishining taqdimoti bo‘lib o‘tdi. Taqdimotda «Uzeltexsanoat» tashkiloti, Moliya Vazirligi vakillari, “O‘zbekneftgaz”, “O‘zbekenergo”, Davlat Arxitektura va Qurilish qo‘mitasi, Energiya tejash milliy kompaniyasi AJ, “O‘zdavenergonazorat”, “Fizika-Quyosh” ilmiy-tadqiqot markazi kabi tashkilotlar vakillari, qurilish kompaniyalari vakillari, quyosh energiyasi yo‘nalishidagi mutaxassislar, suv isitgichlarini o‘rnatish bo‘yicha mutaxassislar va OAV vakillari ishtirok etishdi. “Solimpex” vakili qatnashchilarni quyosh energiyasida ishlovchi suv isitgichlarini kundalik ishlatishga joriy qilish rejalari bilan tanishtirdi. Taqdimot vaqtida quyosh energiyasida ishlovchi suv isitgichlarini ishlatish, ularni dunyo bo‘ylab qo‘llanish tajribasi va quyosh energiyasida ishlovchi suv isitgichlarning kelajagi keng ko‘lamda muhokama qilindi.
Royal quyosh energiyasida ishlovchi suv isitgichlar ikki qismdan tashkil topgan:
- Tashqi blok – quyosh kollektori
- Ichki blok – issiqlik almashtiruvchi rezervuar
2016 yilning yakunidan boshlab “Fizika-Quyosh” ilmiy ishlab chiqarish birlashmasi laboratoriyalarida quyoshli suv isitgichlardan foydalanish bo‘yicha tajribalar boshlandi. Bu tajribalar Royal ilmiy markazi vakillari tashabbusi bilan quyoshli energetika sohasidagi yetakchi mutaxassislar ishtirokida o‘tkazildi. Tajribalarda Royal quyoshli suv isitgichlari unga o‘xshash import mahsulotlari bilan taqqoslandi va sinovdan o‘tkazildi. «Fizika-Quyosh» ilmiy ishlab chiqarish birlashmasi mutaxassislari tajribalar yakunida Royal savdo belgisi ostida ishlab chiqariluvchi quyoshli suv isitgichlardan foydalanishning yuqori energosamaradorligini qayd etishdi. Toshkent shahri, Navoiy ko‘chasida ko‘p qavatli uyda o‘rnatilgan quyosh energiyasida ishlovchi suv isitgichni birinchi prototipi ham qo‘yilgan vazifalarni munosib bajardi!
