Putin Moskvada yer usti metrosi yaratilishini ma'qulladi

Rossiya prezidenti Vladimir Putin Moskva markaziy diametrlari – yer usti temir yo‘l liniyalarini yaratish loyihasini ma'qulladi. Bu liniyalar Moskva viloyatidagi Zelenograd  va Ramenskoye, Pushkino va Ramenskoye, Zelenograd va Podolsk, Naxabino va Jyeleznodorojniy shaharlarini bir-biri bilan bog‘laydi va Moskva hududi orqali o‘tadi. Unda Moskva avtomobil halqa yo‘lining bir nuqtasidan qarama-qarshi nuqtasigacha 40 daqiqa yetib olish mumkin bo‘ladi. 

Moskva meri Sergey Sobyaninning aytishicha, loyiha yoki 2018 yil oxiridan, yoki 2019 yil o‘rtalaridan boshlab amalga oshiriladi. Loyihani amalga oshirish qiymati 40 mlrd rublni tashkil qiladi. Loyihaga pullar Moskva va “Rossiya temir yo‘llari” kompaniyasi byudjyetlaridan 50 ga 50 ko‘rinishida ajratiladi.