Rossiyada kirish vizasining yangi turi tasdiqlandi

Foto: Shutterstock

Rossiya hukumati mamlakatga kirish uchun talab etiluvchi vizaning yangi turi – vaqtinchalik yashash uchun ruxsatnoma olish maqsadidagi vizani tasdiqladi. Bu haqda RF vazirlar mahkamasi saytida xabar berilgan.

«Oddiy viza» toifasi yangi tur bilan to‘ldirildi – Rossiyaga RFda vaqtinchalik yashash uchun ruxsatnoma olish maqsadida kirishga oddiy viza», - deyiladi xabarda.

Bunday viza diplomatik vakolatxona yoki konsullik muassasasi tomonidan beriladi. Faqat bu holatda Rossiya IIV hududiy organining ushbu xorijiy fuqaroga vaqtinchalik yashash uchun ruxsatnoma berilishi bo‘yicha qarori bo‘lishi kerak.

Ta'kidlanishicha, bunday viza faqat bir martalik bo‘lishi mumkin.