Aralash yakkakurash jang san'atlari ustasi Anvar Boynazarov (2-2-0) shu yilning 1 dekabr kuni AQShning Nyu-York shahrida “GLORY” chempionlik kamari uchun ringga chiqadi. Bu haqda havaskor va professional Kikboksing federatsiyasi KUN.UZ’ga ma'lum qildi.
Muay tay bo‘yicha 2 karra jahon chempioni Boynazarov amerikalik Kevin van Nostrandga (4-1-0) qarshi ringga ko‘tariladi. Boynazarov 4 jangidan 1 tasini nokaut bilan yakunlagan bo‘lsa, uning raqibi 5 jangidan 2 tasini muddatidan avval tugatishga muvaffaq bo‘lgan.
Eslatib o‘tamiz, o‘zbekistonlik sportchi 28 oktabr kuni Fransiyaning Lion shahrida o‘tkazilgan «GLORY 47» musobaqasida finalgacha yetib kelgan edi.
