Ispaniyaning Mundo Deportivo nashri xabariga ko‘ra, 2017 yil yakuni bo‘yicha France Football nashri «Oltin to‘p»ni «Real» hujumchisi Krishtianu Ronalduga topshiradi.
Tadbir 7 dekabr kuni Parijda o‘tkaziladi. Ronalduga nufuzli sovrin ilk marotaba Eyfel minorasida topshiriladi. Futbolchi Dortmundning «Borussiya» klubiga qarshi Chempionlar Ligasi bahsidan so‘ng, Fransiya poytaxtiga yo‘l oladi.
Agar nashrning xabari o‘z tasdig‘ini topsa, portugaliyalik «Oltin to‘p»lar soni bo‘yicha Lionel Messi bilan tenglashib oladi - 5:5.
