Brent nefti narxi 2015 yil iyunidan beri ilk bor 65 dollardan oshdi

Brent nefti narxi 65 dollardan oshdi. Bundan Londonning ICE birjasidagi savdolar darak bermoqda. 

Ushbu turdagi neft narxi savdolar vaqtida 0,8 foizga oshib, bir barreli uchun 65,19 dollarni tashkil qilgan.

Oxirgi marta bu turdagi neft narxi 2015 yil 24 iyunida 65 dollardan ko‘proqni tashkil qilgandi.

2017 yil 30 noyabrda OPeKka kiruvchi davlatlar va unga kirmaydigan 11 davlat (OPeK+) vazirlari neft qazib olish hajmini qisqartirish kelishuvini 2018 yil oxirigacha uzaytirishga qaror qilishdi. 2016 yil noyabri oxirida OPeK+ 2017 yil 1-yarmida neft qazib olishning o‘rtacha kunlik hajmini 2016 yil oktabridagi hajmga nisbatan 1,8 mln barrelga qisqartirishga kelishishgandi. 2017 yil mayida kelishuvning barcha ishtirokchilari kelishuvning amal qilish muddatini 2018 yil apreligacha uzaytirishga qaror qilishgan.