Osiyoda yashash uchun eng arzon shahar aniqlandi

Mo‘g‘uliston poytaxti - Ulan-Bator Osiyoda yashash uchun eng arzon shahar deb topildi, bu haqda ECA International xalqaro konsalting kompaniyasi reytingida aytiladi.

ECA International konsalting kompaniyasi jahonning 470 ta shahrida yashash qiymatini ma'lum bir tovarlar (oziq-ovqat, poyabzal, kiyim-kechak, uyga mo‘ljallangan tovarlar) va bu shaharlardagi xizmatlar (maishiy xizmatlar, madaniy hordiq va hokazolar) narxini hisoblab chiqish orqali aniqlaydi. 

Ulan-Bator mamlakatning iqtisodiy markazi bo‘lishiga qaramay, bu yerda yashash qiymati juda ham baland emas. Turizmdan keluvchi daromadlar esa mamlakat daromadining taxminan 10 foizini tashkil etadi.

Eng qimmat shaharlar ro‘yxatida Angola poytaxti Luanda yetakchilik qilmoqda, ikkinchi o‘rinda – Sudan poytaxti Xartum. Shuningdek, top-10likdan Tsyurix, Jyeneva, Bazel, Bern (Shveytsariya); Oslo (Norvegiya), Tokio (Yaponiya), Hongkong va Stavanger (Norvegiya) joy olgan.

Shunisi e'tiborga molik-ki, Buyuk Britaniya poytaxti Brexit fonida funtning kursi tushib ketishi tufayli G‘arbiy Yevropadagi eng arzon turistik shaharga aylandi. Xususan, London 36 o‘rinni yo‘qotib, 139-pog‘onadan joy oldi.