07:30 / 18.12.2017
10543
Месси «Камп Ноу»да «Олтин бутса»сини кўрсатди
Фото: Барселона ФК

“Барселона” ҳужумчиси Лионель Месси Испания Примераси 16-туридан ўрин олган, “Депортиво”га қарши ўйин олдидан “Камп Ноу” стадионида мухлисларга “Олтин бутса”сини кўрсатди.

Месси ушбу мукофотнинг 4 карра соҳиби бўлгани май ойида маълум бўлганди, мукофотнинг ўзи эса 24 ноябрда топширилган.

Месси Испания Примерасининг 2016/2017 йиллардаги мавсумида “Барса” таркибида 34 та ўйин ўтказиб, 37 та голга муаллифлик қилган ва 74 рейтинг очкоси тўплаган.

Месси 2010, 2012 ва 2013 йилларда ҳам Европа чемпионатларининг энг яхши тўпурари бўлганди.

“Олтин бутса” рейтингида футболчи урган голлар сони чемпионатнинг тегишли коэффициентига кўпайтирилади. Европанинг етакчи 5 чемпионатида (Испания, Англия, Франция, Италия ва Германия) урилган голлар 2 очко билан баҳоланади.

Top