Ostonadagi chang‘i trassalari uchun qor sotib olinmoqda

Ostonadagi chang‘i trassalarini qor bilan qoplash uchun chang‘i klublari Qozog‘istonning boshqa hududlaridan qor olib kelishmoqda. Bu haqda “Yelorda Info” ma'lum qildi.

“Qorni boshqa shaharlardan sotib olmoqdamiz, chang‘i klublari buni o‘zlari amalga oshirmoqdalar. Biz o‘z tomonimizdan bu masalani “"Zelenstroy” direktori bilan hal qilgandik. Shahardagi bog‘lar tozalanganda toza qor chang‘i trassalariga olib kelinadi”, deb aytgan Qozog‘iston chang‘i poygalari federatsiyasi vitse-prezidenti Nikita Devyatkin. 

Uning aytishicha, avvallari 15 noyabrdan oldin yetarlicha miqdorda qor bo‘lgan va chang‘i mavsumi boshlangan. 

“Kazgidromet”ning ta'kidlashicha, butun dekabr oyi qor me'yoridan kam yoqqan.