Braziliyalik afsonaviy hujumchi Pele hozirgi paytda to‘p surganida, Yevropadagi qaysi klub tarkibida maydonga tushgan bo‘lishi mumkinligi haqidagi savolga javob qaytardi.
«Murakkab savol. Shunchaki faraz qiladigan bo‘lsak, agarda men hozirgi vaqtda to‘p surganimda, faqat «Barselona» bilan shartnoma imzolagan bo‘lardim, sababi ushbu jamoa «Santos»ga o‘xshash uslubda to‘p suradi. O‘ylashimcha, Kataloniyada o‘ynash menga juda mos tushgan bo‘lardi», - deya aytib o‘tdi Pele RT’dagi Stan Collymore Show dasturiga bergan intervyusida.
Pelening ta'kidlashicha, «Barselona» forvardlari Lionel Messi hamda Luis Suares bilan osongina til topishib ketgan bo‘lardi. Shuningdek uning ma'lum qilishicha, jamoaga «Liverpul» va Braziliya terma jamoasi yarim himoyachisi Filippe Koutinoni olgan bo‘lardi.
Eslatib o‘tamiz, Pele Braziliyaning «Santos» va AQShning «Nyu-York Kosmos» jamoalarida to‘p surgan.
