Россияда депортация қилинганига қарамай яна қайтиб келган ўзбекистонлик 1 йилга қамалди
16:50 / 10.01.2018
19773
Фото: РИА "Новости"

Россиянинг Омск областидаги Полтава тумани суди Ўзбекистон Республикасининг 27 ёшли фуқаросини озодликдан маҳрум этиш ҳақида қарор чиқарди. Эркак РФ ЖКнинг 322-моддаси 2-қисмида назарда тутилган жиноятни содир этганликда айбдор деб топилди.

Омск области прокуратураси матбуот хизматининг хабар беришича, текширув давомида эркак аввал Россиядан депортация қилингани аниқланган. Унга 2022 йилга қадар мамлакат ҳудудига кириш тақиқланган, у бу ҳақда билган. Ўзбекистон фуқароси минг рубль миқдоридаги пул эвазига давлат чегарасини кесиб ўтишга келишиб олгани таъкидланади.

2017 йилнинг 3 июль куни эркак ўтказиш пунктларини четлаб ўтиб, ўзи пора берган шахс билан Қозоғистондан Россияга кириб келган. Шундан сўнг Ўзбекистон фуқароси Россия Федерал хавфсизлик хизматининг Омск области бўйича бошқармаси ходимлари томонидан қўлга олинган.

Қайд этилишича, у ўз айбини тўла тан олган. Унга 1 йилга озодликдан маҳрум этиш жазоси белгиланган.


Улашинг
Top