Britaniya va Yaponiyada parranda grippi tarqalmoqda

Britaniya qishloq xo‘jaligi vazirligi mamlakat janubi-g‘arbidagi Dorset grafligida 17 ta yovvoyi qushda H5N6 parranda grippi bilan kasallanish holatini aniqladi. Bu haqda hukumat saytida xabar berilgan.

Vazirlik ma'lumotlariga ko‘ra, bu 2017-2018 yilgi qishki mavsumda qayd etilgan ilk shunday holatdir. Shtamm o‘tgan yili Xitoyda kuzatilgan kasallikdan farq qiladi hamda inson uchun katta xatar uyg‘otmaydi.

"H5N8 parranda grippidan odamlar sog‘ligi uchun tahdid juda past. Oziq-ovqat mahsulotlari sifati standartlari bo‘yicha agentlik xabariga ko‘ra, kasallik oziq-ovqat uchun xatar tug‘dirmaydi", - deyiladi vazirlik bayonotida. Aniqlik kiritilishicha, virus parrandalar uchun "juda yuqumli" va "o‘limga" olib keladi.

Yaponiyaning Sikoku orolidagi Kagava prefekturasida esa yanvar oyida taxminan 92 ming tovuq parranda grippi virusi tufayli yo‘q qilindi. Bu haqda Yaponiya Qishloq xo‘jaligi vazirligi xabar bergan.

Uning ma'lumotlariga ko‘ra, bu kasallik Sanuki shahri va unga yaqin tumanlardagi bir necha fermalarda qayd etilgan. Tahlillar N5N6 shtammli parranda grippi virusiga ijobiy reaksiyani ko‘rsatdi.

Parrandalarni yo‘q qilish bo‘yicha amaliyotda 750 kishi, jumladan o‘zini-o‘zi mudofaa qilish kuchlari xodimlari qatnashdi. Parrandi grippi virusi aniqlangan fabrikalardan 10 kilometr radiusda karantin hududi joriy etildi, tuxum, tovuq va undan mahsulotlarni bu tuman tashqarisiga olib chiqib ketishga taqiq qo‘yildi. Yo‘llarda dezinfeksiya ishlari olib borilmoqda.