Rossiya O‘zbekistonga shakar eksportini oshirmoqchi

2017 yilda O‘zbekiston 109 ming tonna Rossiya shakarini import qildi. Bu haqda «Agroinvestor» xabar tarqatdi.

Rossiyalik ekspertlarning fikricha, bu hajmni 500 ming tonnaga qadar chiqarish mumkin. Xususan, O‘zbekistonga eksport oktabr oyi oxiridan oshib borgan va dekabrning so‘nggi kunlarida juda katta miqdorga yetgan. Agarda hajmlar shu darajada saqlab qolinsa, eksport 500 ming tonnaga qadar ham chiqishi mumkinligi aytilmoqda.

Eslatib o‘tamiz, dekabr oyi boshlarida Rossiya O‘zbekistonga shakar yetkazib berishni boshlagani xabar qilingandi.