Qirg‘iziston maktablarida sovuq sababli ta'til e'lon qilindi

Qirg‘iziston ta'lim va fan vaziri Gulmira Kudayberdiyevaning Qirg‘iziston favqulodda vaziyatlar vazirligining havo harorati keskin pasayishi haqidagi rasmiy ogohlantirishiga asoslanib, bolalarning sog‘lig‘ini saqlash maqsadida chiqargan buyrug‘iga ko‘ra mamlakatdagi barcha maktablarda 26 yanvardan 30 yanvargacha ta'lim jarayoni to‘xtatiladi.    

Ma'lum qilinishicha, 5 kunlik maktablarda 26, 29 va 30 yanvar, 6 kunlik maktablarda esa 26, 27, 29 va 30 yanvar dam olish kunlari bo‘ladi.

Vazirlikda ta'kidlanishicha, qolib ketgan darslar 5 kunlik maktablar uchun shanba kuni, 6 kunlik maktablar uchun esa bahorgi ta'tillar hisobidan to‘lg‘aziladi.