Qimorbozlar ushlandi

Qimor o‘ynash milliy qonunchilikda ham, muqaddas dinimizda ham taqiqlangan. Biroq, nurotalik Sh.Sh. na unisini, na bunisini pisand etmaydiganlardan chiqib qoldi, deb xabar bermoqda O‘zA.

Biror ishning boshini tutmagan “qahramonimiz”ning qilmishlari joriy yil 9 yanvar kuni ichki ishlar organlari tomonidan tumanda o‘tkazilgan “Kompleks” tadbiri davomida fosh etildi. U o‘z uyida qimor o‘yini tashkil etib, 150 ming so‘m evaziga 6 nafar qimorbozga sharoit yaratib beradi. Tekshirishlar davomida qimorxonadan 120 dona karta, 4 million so‘m pul, 400 AQSh dollari va ijara haqi bo‘lgan 150 ming so‘m ashyoviy dalil sifatida olib, rasmiylashtirildi. 

Ijtimoiy xavfli qilmishi sabab Sh.Sh.ga nisbatan O‘zbekiston Respublikasi Jinoyat kodeksining 278-modda 1-qismi bilan jinoyat ishi qo‘zg‘atildi.