Qozog‘istonda 2018 yildan 500 km yo‘llar pullik bo‘ladi

Qozog‘istonda 2018 yildan 500 kilometr yo‘llar pullik bo‘ladi. Bu haqda mamlakat milliy iqtisodiyot vaziri Temur Sulaymonov Qozog‘iston Respublikasi hukumatining bugun bo‘lib o‘tgan yig‘ilishida xabar berdi.

Uning so‘zlariga ko‘ra, joriy yilda «Markaz - Janub» va «Markaz - Sharq» transport yo‘laklarini qurish ishlari davom ettiriladi.

«Yangi yo‘llarni sifatli saqlash va harakat xavfsizligini ta'minlash maqsadida 500 kilometrlik yo‘llarda pullik tizimni joriy etish rejalashtirilmoqda. Transport oqimlarini samarali boshqarish uchun intellektual transport tizimini bosqichma-bosqich tatbiq etish bo‘yicha band qabul qilinadi», - deya qo‘shimcha qilib o‘tdi vazirlik rahbari.

Uning ta'kidlashicha, iqtisodiy siyosat iqtisodiyotning barqaror o‘sishi va inflyatsiyani 5-7 foizlik darajada ta'minlash imkonini beradi.