Xitoyda uylar yadro reaktorlari yordamida isitiladi

Xitoyning China General Nuclear Power Group davlat kompaniyasi va Tsinxua universiteti Xitoy shimolida past haroratli yadro reaktori qo‘llagan holda mamlakatdagi birinchi issiqlik ta'minoti tizimini yaratadi. Bu haqda “Sinxua” axborot agentligi xabar bermoqda.   

Loyihaga ko‘ra, tizim ham turar joy binolarini, ham sanoat bog‘larini isitish uchun qo‘llanadi. Obektning qurilishiga 2-3 yil talab etiladi. Ta'kidlanishicha, tizimning issiqlik ishlab chiqarishi 100 MVtga yetadi. 

Xitoyning yadroviy xavfsizlik ishlari boshqarmasi reaktor qo‘llanuvchi texnologiyani 1990-yillar boshida tekshirib, ma'qullagan.

Ma'lum qilinishicha, isitish uchun yadro energiyasini qo‘llash havo ifloslanishiga qarshi kurashishda yordam berishi mumkin. Bu muammodan isitish mavsumida, ayniqsa, Xitoyning shimoliy hududlari aziyat chekadi.