Foto: The-afc.com
Xitoy Taypeyida mezbonlik qilgan futzal bo‘yicha 15-Osiyo chempionati o‘z nihoyasiga yetdi. Finalda Yaponiya va Eron terma jamoalari to‘qnash kelishdi.
Uchrashuvda eronliklar to‘liq ustunlikka ega bo‘lishdi va kutilganidek yirik hisobda g‘alaba qozonishdi — 4:0.
Natijada fors mamlakatidan tashrif buyurgan jamoa o‘z tarixida 12-marta Osiyoda tengsiz jamoa deb topildi.
Futzal. Osiyo chempionati
Final
Yaponiya - Eron 0:4 (0:1)
Gollar: Hasanzoda 19, 28, Tavakkali 21, Tayibi 39.
Eslatib o‘tamiz, ushbu Osiyo chempionatida O‘zbekiston terma jamoasi uchinchi o‘rin uchun bahsda Iroqni mag‘lub etib bronza medallariga ega chiqdi.
