Misr armiyasi Sinayda jangarilarni yo‘q qildi

Misr armiyasi Sinay shimolida 12 nafar jangarini yo‘q qildi. Bu haqda Reuters davlat televideniyesidagi bayonotga tayangan holda xabar bermoqda.

Shuningdek, 92 nafar jangari asirga olingan. Bundan tashqari, Misr harbiy-havo kuchlari aviazarbalar vaqtida ekstremistlarning 60 ga yaqin obektlarini yo‘q qilgan.

Eslatib o‘tamiz, o‘tgan yilning dekabr oyi oxirlarida Misr hukumati 2013 yilda Sinayda amalga oshirilgan hujum uchun qamalgan 15 jangarini qatl etgandi.