Daniya qirolichasining turmush o‘rtog‘i 84 yoshida vafot etdi

Margrete II va shahzoda Henrik Foto: spletnik.ru

Daniya qirolichasi Margrete II'ning turmush o‘rtog‘i shahzoda Henrik (Anri Mari Jan Andre) 84 yoshida hayotdan ko‘z yumdi. Bu haqda Daniya qirollik saroyi sayti xabar berdi.

Shahzoda Henrik 1934 yilning 11 iyun kuni Fransiyada tavallud topgan. Daniya valiahd malikasi Margrete bilan Londonda tanishgan. 1967 yilning 10 iyun kuni Kopengagenda Anri va Margretening to‘yi bo‘lib o‘tgan. Rafiqasi taxtga chiqqanidan so‘ng unga general va admiral unvoni berilgan.

Qirolicha Margrete II va shahzoda Henrikning ikki nafar o‘g‘li bor.