Toshkent shahrining Shayxontohur tumanida 12 fevral kuni soat 14.00larda osiyo millatiga mansub, 17-20 yoshlardagi noma'lum ayol A.Navoiy ko‘chasida joylashgan Markaziy dorixona oldida turgan N.M. va A.A.ning yoniga kelib, 3-7 kunlik sog‘lom qiz bola chaqaloqni ushlab turinglar, deb chaqaloqni ularga berib voqea joyidan yashiringan.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Qayd etilishicha, chaqaloqning onasini aniqlash choralari ko‘rilgan. Surishtiruv ishlari olib borilmoqda.
