Rio-de-Janeyroda millionlab odamlar narkomafiya nazorati ostida yashashi ma'lum bo‘ldi

Braziliya jamoat xavfsizligi vaziri Raul Jungmanning ma'lum qilishicha, Rio-de-Janeyroda milliondan ortiq aholi narkomafiya nazorati ostida yashamoqda. Bu haqda Excelsior xabar qildi.

Xususan, uning ta'kidlashicha, ayni damda shahardagi taxminan 830 ta favella narkofurushlar to‘dalari tomonidan nazorat qilinadi.

«Ya'ni taxminan 1 mln.dan 1,1 mln.ga qadar odam favqulodda holatdagi zonalarda istiqomat qiladi, bu yerda ularga hattoki minimal xizmatlar ham kafolatlanmagan, bolalar o‘quv yilini tugata olmaydi, dindorlar esa diniy marosimlarga bora olmaydi, hamda hammasi zo‘ravonlik tufayli», - deya ma'lum qildi u.

Uning so‘zlariga ko‘ra, shtat, xususan, shahardagi vaziyat juda og‘irdir.

«Men boshqa shtatlarda shunday aralashuv talab etilishi mumkin bo‘lgan vaziyatni ko‘rmayapman», - deya qo‘shimcha qilib o‘tdi u.

Eslatib o‘tamiz, avvalroq Rio-de-Janeyroda vaziyat og‘irlashayotgani, endi xavfsizlikni armiya ta'minlashi xabar berilgandi.