Lacoste logotipidan timsohni vaqtincha olib tashladi

Fransiyaning Lacoste kompaniyasi maxsus pololar (ko‘ylak) seriyasini chiqardi, u yerda logotipdagi odatiy timsoh o‘rnini yo‘qolib borayotgan 10 ta hayvon turi tasviri egalladi. Aktsiya Tabiatni muhofaza qilish xalqaro ittifoqi bilan birgalikda tashkil etildi.

Hammasi bo‘lib 1775 ta shunday polo sotuvga chiqdi. Bunday son bekorga tanlanmadi: u yoki bu tasvirga ega polo miqdori jahonda hozir bor bo‘lgan tur vakillariga tengdir. Masalan, Kaliforniya dengiz cho‘chqasi populyatsiyasi 30 tani tashkil etsa, Virginiya siklurasi – 450.

Shuningdek, poloda Birma toshbaqasi, sharqiy qora gibbon, Kaliforniya kondori, saola, shimoliy lemur, boyo‘g‘li to‘tiqushi va yavan karkidoni tasvirlangan.

Polo Lacoste’ning faqat Yevropa va AQShdagi maxsus do‘konlarida sotilmoqda. Har bir buyum 150 yevro turadi, mablag‘lar Tabiatni muhofaza qilish xalqaro ittifoqiga yuboriladi.