Boshqa davlatlar savdo to‘siqlari “terrorchilardan battar” – Tramp

AQSh prezidenti Donald Tramp boshqa davlatlar yaratuvchi savdo to‘siqlarini AQSh uchun “terrorchilardan battar” deb, po‘lat hamda alyuminiyga boj to‘lovlarini oshirishdan voz kechmasligini aytdi.
 
“Odamlar tushunishlari kerak, davlatimiz savdoda dunyoning deyarli har bir davlati, do‘sti va dushmanlari tomonidan talangan. Xitoy, Rossiya va biz ajoyib deb hisoblaydigan Yevropa Ittifoqi tomonidan. Ular bilan ishlab bo‘lmaydi, ularning savdo to‘siqlari terrorchilardan battarroq”, deb aytgan Tramp.  

Uning fikricha, AQSh oxirgi bir necha yil ichida shu sababli har yili 800 mlrd dollardan yo‘qotgan.

“Bunday boshqa bo‘lmaydi! Uyat, avvalgi prezidentlar bunga qanday qilib yo‘l qo‘yganlar?”, deb aytgan Tramp va fikricha boj to‘lovlarini kiritish “savdo urushi”ga sabab bo‘lmasligini ta'kidlab o‘tgan. 

Avvalroq Tramp AQSh po‘latga 25 foiz miqdorida va alyuminiyga 10 foiz miqdorida boj to‘lovlari joriy qilinishini aytgan. Uning ta'kidlashicha, ushbu boj to‘lovlari uzoq vaqt davomida amal qiladi.