Chad, Kongo va Malayziya OPeKga kirishga ariza berdi

Chad, Kongo va Malayziya Neft eksport qiluvchi davlatlar tashkilotiga (OPeK) kirish uchun ariza yo‘llashdi. Bu haqda Ekvotarial Gvineyaning tog‘-kon sanoati va uglevodorodlar vaziri Gabriel Mbega Obiangu Lima ma'lum qildi. 

“Afrikada Kongo, Chad kabi katta salohiyatga ega davlatlar bor. Ular hozirda ishlab chiqarish bilan shug‘ullanmaydi, ular rivojlanmoqda, biroq pirovard natijada kuniga 3-4 ming barrel neft olish darajasiga yetishlari mumkin”, deb aytgan Lima Xyustondagi CERAWeek anjumanida. U OPeKning yangi a'zolari xalqaro hamjamiyatga “OPeKning yangi qiyofasini ko‘rish”ga yordam berishlarini qo‘shimcha qildi.

“Osiyo davlatlari, jumladan Indoneziya kuzatuvchi bo‘lish uchun dastlab OPeKdan chiqib ketishdi, hozir esa yana qaytishni istashyapti. Biroq Malayziya kabi boshqa davlatlar ham bor. Chad, Kongo va Malayziya arizalar yo‘llashdi va biz ularni ko‘rib chiqmoqdamiz”, deb ta'kidlab o‘tgan vazir.