Farid Niyozov. Foto: Qirg‘iziston prezidenti axborot xizmati
Qirg‘iziston prezidenti Sooronbay Jeenbekovning apparati rahbari Farid Niyozov egallab turgan lavozimini o‘z xohishiga ko‘ra tark etdi. Bu haqda davlat rahbari matbuot xizmati xabar bermoqda.
«Qirg‘iziston Respublikasi prezidenti Sooronbay Jeenbekov Farid Abilezimovich Niyozovni taqdim etilgan arizasiga muvofiq, prezident apparati rahbari lavozimidan ozod etish to‘g‘risidagi farmonni imzoladi», - deyiladi xabar matnida.
Eslatib o‘tamiz, avvalroq Qirg‘izistonda militsiyani politsiyaga o‘zgartirish taklif qilinayotgani xabar berilgandi. Bu haqda Qirg‘iziston bosh vaziri Sapar Isoqov “Umumiy xavfsizlik va jinoyatchilikning oldini olish siyosati” milliy anjumanida ma'lum qildi. Uning aytishicha, militsiya va politsiya o‘rtasida farq katta.
