Misr parlamenti portlovchi moddalar saqlaganlik uchun o‘lim jazosi berilishini ma'qulladi  

Misr parlamenti teraktlar amalga oshirish uchun portlovchi qurilma saqlash, tayyorlash va o‘tkazish uchun o‘lim jazosi berilishini ko‘zda tutuvchi qonun loyihasiga ovoz berdi.

“Al-Ahram” nashri ma'lumotlariga ko‘ra, hukumat jinoyat kodeksiga kiritilgan, portlovchi qurilma va moddalar noqonuniy aylanmasi, ularni saqlash va tayyorlash uchun jazoni qat'iylashtiruvchi tuzatmalarni ko‘pchilik deputatlar qo‘llab-quvvatlagan. Agar prokuratura portlovchi qurilma teraktda qo‘llash uchun tayyorlangani va saqlanganini isbotlay olmasa, ayblanuvchiga umrbod qamoq jazosi berilishi mumkin.  

Misr 3 yildan beri Sinay yarimoroli shimolida aksilterrorchilik amaliyotini olib boradi. Bu yerda yetib borish mumkin bo‘lgan hududlarda ekstremistik guruhlar qo‘nim topgan. Oxirgi vaqtda hududda terrorchilar harakati tufayli yuzlab politsiyachilar halok bo‘lgan va jarohatlangan.