2018 йилнинг 9 март куни, соат тахминан 14:16да пойтахтнинг Юнусобод тумани, Амир Темур шоҳ кўчаси 6-уй орқасида бўлган “Бек Мафтуна Малика” МЧЖга қарашли автотураргоҳ ҳудудида ёнғин чиққан. Бу ҳақда Facebook'даги гуруҳлардан бирида маълум қилинди.

Маълум бўлишича, ёнғин оқибатида шу автотураргоҳда турган “Captiva” русумли автомобилнинг мотор ва салон қисмига зарар етган. Шунингдек, унинг ёнида бўлган “Toyota Land Cruiser” автомашинаси мослаштирилган тиркамали ташиш воситаси билан биргаликда бутунлай ёниб кетди.

Ёнғин сабаби номаълумлигича қолмоқда.