Superliga haqida dastlabki 4 taassurot

Aytaylik, «Olmaliq» – «Navbahor» öyinini öşa paytga qöyiş u qadar xato emas. Namanganlik muxlislar baribir «Navbahor» tanlaşadi va öz jamoalarining safardagi öyinini köradi. Parallel öyinlar bu öyin auditoriyasiga u qadar katta ta'sir qilmasligi mumkin. Lekin Toşkent derbisi turnirning markaziy öyinlaridan biri, asosiysi, neytral muxlislarni jalb qiliş mumkin va kerak bölgan uçraşuvlardan biri. Neytral muxlis esa, bir paytda bölayotgan uç öyindan birini tanlaydi. «Real» va «Mançester Yunayted» muxlislarini ham şu qatorga qöşing. Ya'ni, hozirça Ligamiz yuqoridagi öyinlar bilan hatto özimizda ham raqobatlaşa olmas ekan, öyin vaqtini belgilaşda e'tiborliroq bölişlarini sörab qolardim.   

NOQULAY MAYDONLAR

Martning boşi mamlakatimizda futbol öynaş uçun noqulay ekani sezildi. Ba'zida oğir operatsiyalar paytida kasalxonalardayam svet öçib qoliş holatlari bölib turişini e'tiborga olib, projyektorlarning öçib qolganini vahima qilmaymiz, xöp. Lekin ba'zi stadionlardagi çimning holati talabga javob bermasligi uçraşuv kartinasiga salbiy ta'sir qildi. Qöqonni-ku, gapirmasayam böladi, jamoa 2-turgaça maydonini tayyorlay olmagani sababli, endi u yerda mavsum oçilişi 4-turda bölib ötadi.

Tabiiy yöl bilan maydon çimini sifatli qiliş imkoniyati hamma ham yöq ekanini e'tiborga olinadigan bölsa, menimça, mavsum boşlanişini biroz keçroqdan boşlaş maqsadga muvofiq edi. Navröz arafasida yoki martning oxirlarida hamma joyda stadionlar sifatli futbol uçun mos bölib qolişi şubhasiz. Öyinlarning keçki paytlarga ham möljallanilayotganidan kelib çiqsak, yozni tanaffusni biroz qisqartirgan holda, taqvim muammosini bemalol yeçiş mumkin.

ÇeMPIONLIK INTRIGASI

Negadir, mavsum boşidanoq, «Lokomotiv», «Paxtakor» yoki «Nasaf»ni qöya turaylik, «Navbahor», «Qöqon», «Metallurg», «Neftçi» va menimça, boşqa jamoalar ham, özlarining çempionlik uçun kuraşişlarini ma'lum qilişdi. Töğrisi, hayron qoldim, köpinça, moliyaviy imkoniyatlardagi farqlarni bahona qilib, örtamiyonalikni oqlaşga urinadigan jamoalarning ambitsiyalari bu qadar oşib ketganining sababi nima ekan? Tarkiblar öşa-öşa, bilişimça, Klaudio Raneri hali ham «Nant»da işlab yuribdi, çet ellik investorlardan darak yöq, qanday qilib, keçagina arang ligada öz örnini saqlab qolgan yoki «Tsementçi» tarkibini köçirib kelgan jamoalar çempionlik haqida oğiz oçadi? Nahotki gap faqat formatda bölsa, axir, Superligadagi har bir jamoa hali birorta oçko töplamasdan turib, kuçli 12talikdagi örnini naqd qilib qöyişdi, nima dedingiz? Endi ularda faqat bir maqsad – çempionlik uçun kuraş qoladi-da, albatta.

Gapni aylantiriş şart emas, rostini aytganda, kimdur jamoalarga aynan mana şunday bayonotlar bilan çiqişni tavsiya qilgandek tuyuldi menga, tağin bilmadim. Uslubga qarasak, hali ariqdan sakrab ötmasdan turib, maqtaniş futbolimizning xarakteriga juda yopişib bormoqda. Format özgardi, juda bahsli tarzda özgardi, ba'zi e'tirozlarga javoban, aynan jamoalar sonining kamayişi çempionatimizni qizitib yuborişi haqida bong urildi. Şunday ekan, kamtargina jamoalarimizni jang arafasidagi boksyorlar yoki toredo qafaslaridagi buqalarga monand taniştiriş zarar qilmaydi.

Tavakkalçining işini xudo önglabdi, deganlaridek, hozir heç qanday e'tiroz qila olmaymiz ham, qiziği. Ana, Angliya yoki Germaniyada çempion allaqaçon aniq bölib turgan paytda, bizda birinçi va oxirgi örinlar örtasidagi farq atigi 4 oçkoni taşkil qilmoqda. Dahşat! Hammada çempionlikka imkoniyat bor, olğa!

Qahramon Aslanov