Shveytsariya haqida nimalarni bilamiz? Odatda Shveytsariya deganda ko‘z o‘ngimizga ishonchli banklar, ko‘p shokolad, eng yaxshi sut beruvchi sigirlar yashovchi Alp tog‘lari keladi. Biroq bular hammasi emas. Bu mamlakatda qurol haqidagi eng liberal qonunlar amalda ekani, poralar qonuniylashtirilgani, jarimalar esa fuqarolarning daromadlariga bog‘liq ekanini bilasizmi? Bu hali holvasi...
Quyida Shveytsariyani mutlaqo kutilmagan tomondan namoyon qiluvchi 9 dalil bilan bo‘lishamiz:
1. Prezident va poytaxtsiz mamlakat
Darhaqiqat, Shveytsariyada prezident va poytaxt yo‘q, lekin to‘rt davlat tili va fuqarolarning referendum yordamida parlament tomonidan qabul qilingan har qanday qonundan voz kechish huquqi bor. Mamlakat tarixida birorta millatlararo nizolar bo‘lmagan.
2. Qurol haqidagi eng liberal qonun
Aksariyat Shveytsariyani patsifistlar mamlakati deb hisoblaydi, chunki u har qanday harbiy nizoda neytralitet saqlaydi. Shunday bo‘lsa-da, erkaklar uchun 18 yoshdan boshlab harbiy xizmat majburiy. Erkak aholining aksariyati milliy armiya zaxirasida turadi, shuning uchun erkaklarning uylarida qurol bor va ular istagan vaqt uni qo‘llashga tayyorlar.
8 million kishilik aholiga 4 million dona qurol to‘g‘ri keladi (100 kishiga 50 ta). Shunga qaramay, Shveytsariya jinoyatchilik darajasi dunyo bo‘yicha eng past ko‘rsatkichlardan biriga ega.
3. Bu mamlakatda pora qonun bilan musthakamlangan
2017 yilda Shveytsariya korrupsiyaga faol qarshilik qiluvchi mamlakatlar reytingining 3-o‘rnidan joy oldi. Shunisi qiziqki, korrupsiyaga qarshi kurashdan ko‘ra, muayyan xizmat turi uchun to‘lov sifatida poralarni qonuniylashtirish g‘oyasi ham aynan shu mamlakatga tegishli.
