AQSh prezidenti Donald Trampning savdo urushida Rossiya va Xitoy asosiy qurbonga aylanadi. Bu haqda «Kommersant'» yozmoqda.
«Donald Tramp 1 mart kuni deyarli butun dunyoga qarshi e'lon qilgan savdo urushida yakunda Rossiya va Xitoy asosiy qurbonga aylanishi mumkin. Vashington Moskva va Pekindan tashqari, deyarli barcha asosiy hamkorlarga qarshi po‘lat hamda alyuminiyga bojlar joriy etilishini to‘xtatib qo‘ydi. Xitoy va Rossiyaga qarshi kurash fronti esa, aksincha, keskin kengaydi», - deya xabar beradi nashr.
Ma'lum bo‘lishicha, Butunjahon savdo tashkilotining tovar savdosi bo‘yicha kengashi 23 mart kuni 2018 yildagi ilk yig‘ilishini o‘tkazadi. Unda Xitoy va Rossiyaning talabi bilan AQSh bojlari muhokama etiladi.
Bundan tashqari, kengash AQShga baliq va dengiz mahsulotlari importi bo‘yicha cheklovlar, shuningdek, Rossiyada savdo cheklovlari amaliyotini ko‘rib chiqadi.
Aniqlik kiritilishicha, «Butunjahon savdo tashkilotida bahs boshlansa ham, uning istiqbollari tushunarsiz, sababi AQSh Rossiya Ukraina bilan savdo mojarosida qo‘llayotgan vositalardan foydalanmoqda».
