Kreml Skripal Putinga xat yuborganini rad etdi

Rossiya prezidenti matbuot kotibi Dmitriy Peskov GRU sobiq polkovnigi Sergey Skripal davlat rahbari Vladimir Putinga Rossiyaga qaytish borasida iltimos bilan xat yuborgani haqida tarqalgan xabarlarni rad etdi. Bu haqda RIA «Novosti» xabar qilmoqda.

«Yo‘q. Bu noto‘g‘ri, haqiqatdan yiroq», - deya aytib o‘tgan Peskov.

Eslatib o‘tamiz, avvalroq «Bi-bi-si» telekanali Skripal Putinga xat yuborib, kechirishni so‘ragani haqida xabar bergandi. Xabar qilinishicha, Skripal o‘zini sotqin deb hisoblamagan, sababi «u Rossiyaga emas, balki Sovet Ittifoqiga, sotsialistik vataniga sodiq bo‘lish haqida qasamyod keltirgan». Aytilishicha, Skripal Rossiya prezidenti Vladimir Putinga maktub yuborib, unda «butunlay kechirish» va vatanga qaytish imkoniyatini taqdim etishni so‘ragan.