Misrda 3 kunlik prezident saylovlari boshlanmoqda

Misrda 26 martda prezident saylovlari boshlanmoqda. Saylovlarning 1-bosqichi 26-28 mart kunlari bo‘lib o‘tadi. 

Saylovlarda mamlakatning amaldagi prezidenti, 63 yoshli Abdul Fattoh as-Sisiy yaqqol yetakchi hisoblanadi. Misrning sobiq mudofaa vaziri bo‘lgan as-Sisiy ushbu lavozimga 2014 yilda saylangan.  

Uning saylovlardagi yagona raqibi – 65 yoshli tadbirkor va “Al-Gad” partiyasi rahbari Muso Mustafo Muso hisoblanadi. Ko‘plab mahalliy va xorijiy ekspertlar uning amaldagi prezidentga jiddiy raqobat tug‘dirishi dargumonligini aytishmoqda, Musoning o‘zi esa saylovchilarning 50 foiz ovoziga umid qilayotganini aytgan.

Misrda avvalgi prezident saylovlari 2014 yilda bo‘lib o‘tgan. O‘shanda as-Sisiy 97 foiz ovoz to‘plagan, uning yagona raqibi Hamdin Sabbohiyga 2,9 foiz saylovchilar o‘z ovozlarini berganlar.