Polshada Rossiya josusi qo‘lga olindi

Polshada Ichki xavfsizlik agentligi xodimlari Rossiya tomoniga josuslik qilishda gumonlanayotgan shaxsni qo‘lga olishdi. Bu haqda TPV xabar bermoqda.

Ta'kidlanishicha, qo‘lga olingan shaxsning ismi Marek V. bo‘lib, u mamlakat energetika vazirligi faoliyatiga qiziqish bildirgan. Bundan tashqari, ushbu shaxs «diplomatik himoya ostida ishlagan» razvedkaning boshqa xodimlari bilan aloqalarda bo‘lgan. Yevroittifoq boshqa davlatlari maxsus xizmatlari ham bu boradagi surishtiruv ishlarida ishtirok etgani xabar qilinyapti.

Eslatib o‘tamiz, avvalroq Polshani Yevroittifoq bilan mojaroda uch davlat qo‘llab-quvvatlagandi.