OAV: AQSh bu hafta 300 mlrd dollar qarz olishi kerak
Amerika Qo‘shma Shtatlari 294 mlrd dollarga teng qarzni sotishni rejalashtirmoqda. Aniqroq aytganda, G‘aznachilik departamentiga ko‘ra, shuncha miqdorda qarz olinadi. Bu esa, 2008 yilgi moliyaviy inqirozdan so‘nggi davr mobaynidagi eng ko‘p haftalik qarz olishdir.
Prezident Tramp soliqlarni kamaytirgani ortidan federal tushumlar qisqarib bormoqda. Shunga binoan hukumat o‘z majburiyatlarini bajarish uchun qarz olishdan boshqa chora topa olmayapti. Qayd o‘rinliki, Vashingtonning qarz qiymati oxirgi oylarda tezlik bilan o‘sib bormoqda, deb yozadi CNN telekanali.
"Bu hafta bozorga chiqariladigan qarz miqdori juda katta", deydi BlackRock bosh sarmoyaviy eksperti Rick Rieder.
AQSh hukumati barcha qisqa va uzoq muddatli qarzlarni qisqa muddatda savdoga qo‘ymoqda. O‘tgan hafta prezident Tramp Xitoyga qarshi “savdo urushi”ni e'lon qilib, bojlarni ko‘tarishga qaror qilgan edi. Xitoy tomoni bunga javoban “savdo urushi”da oxirigacha kurashajagini bildirgandi.
Ayni vaqtda aynan Xitoy AQShning yirik qarz beruvchisi hissoblanadi. U Amerikaning 1.17 trln dollar milliy obligatsiyalariga ega. Pekin ma'muriyati 2017 yil dekabr va 2018 yil yanvar oyida bu miqdorni 1,4 foizga kamaytirgan edi.
Mavzuga oid
10:09
AQShning Polshadagi yangi RQM bazasi Rossiya raketalarini urib tushira oladi
13:07 / 13.10.2024
«Chekmaydi va onda-sonda ozgina ichadi». Kamala Harris o‘z tibbiy kartasini e’lon qildi
16:29 / 12.10.2024
AQShda radioaktiv yo‘l qurilishiga ruxsat berildi
20:53 / 11.10.2024