Qashqadaryoda bosqinchilar qo‘lga olindi

Qashqadaryo viloyatining Qarshi tumanida 2018 yil 20 mart kuni 2 nafar noma'lum shaxslar yuzlariga niqob kiygan holda pichoq bilan qurollanib, E'zoz ko‘chasida yashovchi E.M.ning uyiga bostirib kirib, o‘g‘li D.A. va birga yashovchi jiyani Sh.Yo.ning qo‘l oyoqlarini arqon bilan bog‘lab, yuzlariga qo‘llari bilan urib jarohat yetkazib, uydan pullari, zargarlik va boshqa buyumlarini olib voqea joyidan yashiringanlar.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida ushbu jinoyatni Qarshi shahar “Neftchi” MFY Neftchi ko‘chasida yashovchi, 1981 yilda tug‘ilgan Sh.X. va Qavali mahallasida yashovchi, muqaddam sudlangan, 1995 yilda tug‘ilgan L.G‘. sodir etganligi aniqlanib, qo‘lga olingan.