Tesla asoschisi Ilon Mask kompaniya bankrotlikka yuz tutgani haqida «ma'lum qildi». U tvitterdagi sahifasida 1 aprel kuni munosabati bilan shunday hazil bayonot bergan.
«Pul ishlab topishga qaratilgan keskin sa'y-harakatlarga qaramay, biz shuni afsus bilan xabar beramizki, Tesla butunlay bankrot deb topildi. Shu darajada bankrotki, sizlar hattoki buni tasavvur ham qila olmaysizlar», - deya yozgan Mask.
Uning ta'kidlashicha, AQShning bankrotlik to‘g‘risidagi kodeksida bir necha boblar bor, hamda Tesla, uning so‘zlariga ko‘ra, «ularning barchasini yig‘ishga muvaffaq bo‘ldi».
«Ilon Tesla Model 3 yonida behush holatda yotgani aniqlandi. Uning yuzlarida qurib qolgan ko‘z yoshlari izlari hamon ko‘rinib turibdi», - deya qo‘shimcha qilib o‘tdi Mask.
Elon was found passed out against a Tesla Model 3, surrounded by "Teslaquilla" bottles, the tracks of dried tears still visible on his cheeks.
— Elon Musk (@elonmusk) April 1, 2018
This is not a forward-looking statement, because, obviously, what's the point?
Happy New Month! pic.twitter.com/YcouvFz6Y1
