O‘zbekiston MDH tashqi ishlar vazirlari kengashining majlisida ishtirok etadi

2018 yilning 6 aprel kuni O‘zbekiston Respublikasi tashqi ishlar vaziri Abdulaziz Komilov rahbarligidagi delegatsiya Minsk shahrida bo‘lib o‘tadigan Mustaqil Davlatlar Hamdo‘stligi Tashqi ishlar vazirlari kengashining bo‘lajak majlisida ishtirok etadi. Bu haqda Tashqi ishlar vazirligi axborot xizmati xabar bermoqda.

Qayd etilishicha, TIV rahbarlari tomonidan MDH formatidagi hamkorlikning dolzarb masalalari va xalqaro kun tartibi muhokama qilinadi.

MDH Ijroiya qo‘mitasi matbuot xizmatining xabar berishicha, tashqi siyosat idoralari rahbarlari uchrashuvi kun tartibi loyihasiga o‘n ikkita masala kiritilgan – bu siyosiy va gumanitar hamkorlik masalalari, shuningdek, xavfsizlikni ta'minlash sohasidagi o‘zaro aloqalardir.