«Mahalliy davlat hokimiyati to‘g‘risida»gi O‘zbekiston Respublikasi Qonunining 21 va 25-moddalariga muvofiq viloyat hokimi qaroriga asosan viloyat hokimining yangi o‘rinbosarlari tayinlangan.
Xususan:
- viloyat hokimining iqtisodiyot va tadbirkorlik masalalari bo‘yicha birinchi o‘rinbosari bo‘lib ishlab kelayotgan Alisher Tursunpo‘latovich Xudayberdiyev o‘rniga G‘anisher Abdukarimovich Mamatqulov;
- viloyat hokimi o‘rinbosari, xotin-qizlar qo‘mitasi raisi lavozimida ishlab kelayotgan Gulnora Mamadaliyevna To‘rayeva o‘rniga Nazira Abdusattorovna Muxtorova;
- viloyat hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida ishlab kelayotgan Shuhrat Xo‘jamberdiyevich Jo‘rayev o‘rniga Akrom Bahritdinovich Rahmonqulov tayinlangan.
