«Barselona» 100 million yevrolik transfer qilmoqchi

«Barselona» klubi «RB Leyptsig»ning fransiyalik himoyachisi Dayo Upamekano xizmatiga qiziqish bildirmoqda. Klub hatto Samuel Umtiti bilan shartnoma uzaytirilgan taqdirda ham bu futbolchini sotib olmoqchi.

Telefoot xabariga ko‘ra, kataloniyaliklar 19 yoshli futbolchi uchun 100 million yevro to‘lashga tayyor.

Ayni vaqtda «Barselona»dan tashqari «Manchester Yunayted», «Bavariya», «Arsenal» va «Milan» klublari ham «Leyptsig» himoyachisiga qiziqish bildirishmoqda.

transfermarkt ma'lumotiga ko‘ra, Upamekanoning transfer qiymati 25 mln yevro etib belgilangan. Joriy mavsumda ushbu futbolchi «Leyptsig» safida barcha turnirlar doirasida 36 uchrashuvda maydonga tushgan.

Bundan avvalroq, «Barselona» «Manchester Yunayted» himoyachisi Lyuk Shouni ijaraga olmoqchi ekani haqida xabarlar tarqalgan edi.