Farg‘onada o‘z singlisini kaltaklab o‘ldirgan aka ushlandi 

Farg‘ona viloyatining Furqat tumanida fojia ro‘y berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 8 aprel kuni soat 01.30larda, To‘rg‘ay qishlog‘ida yashagan, 1994 yilda tug‘ilgan S.M. uyida sog‘lig‘i yomonlashib, to‘satdan vafot etgan.

Olib borilgan surishtiruv ishlari natijasida S.M.ning birga yashovchi akasi, 1986 yilda tug‘ilgan I.M. uyida oilaviy janjal oqibatida S.M. yuzi va badanining turli joylariga qo‘li va kamari bilan urganligi natijasida buyragi shikastlanib yorilishi va ichki qon ketishi tufayli  sog‘lig‘i yomonlashib vafot etganligi aniqlangan. 

Natijada I.M. qo‘lga olingan.