Chempionlar Ligasida chorak finalning javob uchrashuvlari doirasida «Roma» «Barselona»ni qabul qiladi. Bu juftlikda vaziyat oydinlashgan, keyingi bosqichga kim chiqishi deyarli aniq, ammo umid hamisha oxirida o‘ladi?
«Roma» - tamommi?
«Roma» (Italiya) – «Barselona» (Ispaniya)
10 aprel. Rim. «Olimpiko» stadioni, 23:45
Birinchi o‘yin – 1:4
Italiyaliklarning keyingi bosqichga chiqa olishiga hech kim ishonmaydi. O‘yindagi devorlar, sog‘ayib safga qaytgan Raja Nayngolan, «Barsa»ning diqqatni susaytirishi «Roma»ga yordam berishi kerakmi? Ko‘rinishidan bunday bo‘lmaydi. Aniqrog‘i, bularning barchasi bir bo‘lib ham rimliklarni Chempionlar ligasi yarim finaliga olib chiqmaydi. U yerga faqat yorqin o‘yin ko‘rsatgan jamoalar yo‘l olishadi. Eusebio Di Francheskoning jamoasi esa bunday o‘yin ko‘rsatmayapti.
«O‘z kuchimizga bo‘lgan ishonch bizni qo‘llab-quvvatlab turishi kerak. Guruh bosqichida «Chelsi»ni 3:0 hisobida mag‘lub etganmiz, aynan shunday hisob bizni qoniqtiradi. Biz «Barselona»ni mag‘lub etishga qodirmiz. Bu safar ham shunday hisobni qayd qilishga urinib ko‘ramiz» - dedi Eusebio Di Franchesko.
Albatta, o‘yindan oldin Ernesto Valverde «raqibni mensimaslik to‘g‘ri bo‘lmasligi» haqida gapirdi: «Biz g‘alaba qozonib bo‘ldik, deb o‘ylamasligimiz kerak. Birinchi bellashuvda ajoyib natijaga erishdik, biroq xuddi hisob 0:0 bo‘lib turgandek o‘ynashimiz shart. Biz g‘alaba uchun harakat qilishimiz va boshqa hech narsa haqida o‘ylamasligimiz kerak. Men futbolda juda ko‘p vaqtdan beri ishlab kelyapman va bu yerda kutilmagan hodisalar yuz berishi mumkin ekanini bilaman. Biz bugun kechqurun shunday voqea yuz bermasligiga erishishimiz lozim. Maydonga «Roma» biz uchun – raqib emas, degan xayolda chiqish kerak emas. O‘ziga ishonish salbiy ta'sir o‘tkazishi mumkin»
Ammo bu chin dildan aytilgan gaplarmidi? Italiya nashrlari muqovasida o‘tgan haftadayoq «Vazifa uddalanmadi» yo‘sinidagi sarlavhalar bosilgandi. Ular «Yuventus»ning muvaffaqiyatsizlikka uchraganiga ham ishora etishgandi. Turinliklar safarda «Real»ga 3ta javobsiz gol urishiga hozir hech kim ishonmayapti.
«Barselona»ning «yangi hujumchisi»
