Si Tszinpin: dunyoga Xitoy kerak

XXR raisi Si Tszinpinning ma'lum qilishicha, Xitoy rivojlanishini butun dunyodan ajralgan holda tasavvur qilib bo‘lmaydi. Bu haqda RIA «Novosti» xabar qilmoqda.

«Biz so‘nggi 40 yil ichida islohotlar va ochiqlik siyosatini amalga oshirish davomida muhim narsani tushundik: Xitoy rivojlanishi butun dunyodan ajralgan holda yuz berishi mumkin emas, biroq dunyoga ham rivojlanish uchun Xitoy kerak. Xitoy islohotlar va ochiqlik siyosatini amalga oshirib, o‘z rivojlanishiga erishdi, mo‘'jizani yaratdi, biroq Xitoy o‘z rivoji bilan global rivojlanishga ham hissa qo‘shdi», - deya aytib o‘tdi Si Tszinpin.

Shuningdek uning qo‘shimcha qilishicha, Xitoy tinch rivojlanish yo‘lidan harakatlanishda, o‘zaro manfaat va ochiqlik strategiyasini amalga oshirishda davom etadi.