AQSh yangi qurolni yaratishga 2 mlrd dollar ajratadi

AQSh «boshqariluvchi raketalar ishlab chiqarish texnologiyalarini ishlab chiqish va to‘ldirish» uchun 2 mlrd dollar ajratishga tayyor. Bu haqda RT AQSh armiyasining pudrat tashkilotlari bilan ish bo‘yicha boshqarmasi tomonidan e'lon qilingan hujjatga asosan yozmoqda.

«Ushbu pudrat bo‘yicha ishlar boshqariluvchi raketa qurolini qo‘llash bilan bog‘liq bo‘lgan, uning harakat radiusini oshirishi, havo hujumidan mudofaa vositalari harakati hududini kengaytirishi va mobil kuchlarga harakatlanish chog‘ida aniq nishonga olish imkonini berishi bilan bog‘liq barcha jarayonlarni takomillashtirishga aloqador bo‘lgan texnologiyalar ishlab chiqishga taalluqlidir», - deya hujjatdan iqtibos keltiradi RT.

Shuningdek ta'kidlanishicha, shartnomani bajarishga tayyor bo‘lgan xorijiy kompaniyalarga ma'lum bir shartlar qo‘yiladi, «ular bilan ushbu faoliyat bo‘yicha shug‘ullanishga to‘siqlar paydo bo‘lishi mumkin».