© EPA-EFE/FRANCK ROBICHON
«Formula-1» bo‘yicha «Red Bull» jamoasi a'zosi, avstraliyalik pilot Daniel Rikkyardo Xitoydagi Gran-prisida birinchi o‘rinni egalladi.
Turnirda marraga ikkinchi bo‘lib «Mersedes» a'zosi finlyandiyalik Valtteri Bottas yetib kelgan, uning vatandoshi, «Ferrari» avtopoygachisi Kimi Raykkonen uchinchi o‘rinni egallagan.
3 bosqichdan keyin «Formula-1» poygalarida umumiy hisobda «Ferrari» piloti Sebastyan Fettel birinchi o‘rinda, u Xitoydagi Gran-Prida sakkizinchi bo‘ldi, ammo uning jami ochkolari soni 54ta, ikkinchi o‘rinda Hemilton (45), uchinchi o‘rinda - Bottas (40) ketmoqda.
Keyingi bosqich 27-29 aprel kunlari Ozarboyjonda bo‘lib o‘tadi.
