Toshkentda 1 maydan sovuq suv narxi oshadi

Toshkentda 1 maydan sovuq suv narxi oshadi. Bu haqda «Suvsoz» korxonasi ma'lum qildi. 

Qayd etilishicha, Toshkent shahar hokimi Bosh moliya mahkamasida tasdiqlangan 2018 yil 14 apreldagi Reyestr №09-TG-2018 deklaratsiyaga muvofiq 2018 yil 1 maydan  Toshkent shahri bo‘yicha yangi tariflar amalda foydalanishga kiritiladi.
 
Suv ta'minoti bo‘yicha – 1 m3 uchun 245 so‘m, QQSsiz.
Oqova suv bo‘yicha – 1 m3 uchun 210 so‘m, QQSsiz.
 
Toshkent shahar hokimining 2018 yil 12 yanvardagi 69-sonli qaroriga binoan, 2018 yil uchun Toshkent shahrida ichimlik suv ta'minoti xizmatlari tariflariga maxsus ustama haq miqdori iste'molchilar uchun- 100 so‘m 1 m.kub.dan olinadi.